Намален бројот на патници во патниот, зголемен во авиопревозот
Во четвртиот квартал од 2016 година во однос на истиот период од 2015 година во патниот патнички превоз бројот на превезените патници е намален за 5,2 отсто, во градско-приградскиот превоз за 8,4 отсто, во железничкиот превоз за 54 отсто, додека бројот на превезените патници во воздухопловниот превоз е зголемен за 9,4 отсто, соопшти Државниот завод за статистика.
Во однос на третото тримесечје од 2016 година, бројот на превезените патници во градско-приградскиот превоз е зголемен за 28,3 отсто, во патничкиот превоз е намален за 1,7 отсто, во железничкиот превоз за 1,8 отсто, додека во воздухопловниот превоз намалувањето изнесува 28 отсто.
Од ДЗС информираат дека во четвртото тримесечје од 2016 година во споредба со истиот период од 2015 година количеството на превезената стока во товарниот патен превоз е зголемено за 9,1 отсто, во железничкиот превоз е намалено за 2,1 отсто, додека во воздухопловниот превоз намалувањето изнесува 7,8 отсто.
Во однос на третото тримесечје од 2016 година, како што соопштуваат од ДЗС, количеството на превезената стока во товарниот патен превоз е намалено за 36,7 отсто, во воздухопловниот превоз за 14 отсто, додека во железничкиот превоз е зголемено за 5,6 отсто.
Ново на Сител
-
Пожарот во Националниот парк Дрина се шири и се приближува до куќи
-
Со возило на авто-школа удрен па истепан малолетник, а потоа нападната и неговата мајка
-
Воздухопловен ВИНГ - 32 години во служба на државата и гарант за воздушната независност
-
Мицкоски: Исправени пред нова борба, еднакво значајна како создавањето на татковината
-
Локалните власти прогласија вонредна состојба поради пожарите кај Сребреница
-
Почна свечената академија по повод Денот на независноста - 8 Септември
-
Либија: Уапсен командант на милиција по убиството на криумчар на луѓе
-
Приведен криминалец баран со потерница за казна затвор од три години