Најтажната песна во Југославија: Луѓето се убивале поради нејзе, па Тито ја забранил!
Во 1950 година Драгиша Недовиќ од Крагуевац ја напишал песната "Pluća su mi bolna", откако дознал дека боледува од туберколоза. Многумина сметаат дека ова е најтажната песна некогаш снимена на Балканот. Оваа песна лично ја забранил Јосип Броз Тито, зашто многу луѓе кои заболеле од туберколоза во тоа време, извршувале самоубиства.
Драгиша Недовиќ, бил роден 1916 година, а веќе на 20 години ја напишал песната "U lijepom starom gradu Višegradu". Во 1941 година, со останатите жители на Крагуевац бил изведен на стрелање, но во последен момент, бидејќи бил познат текстописец, го тргнале настрана и го депортирале во Германија каде минал четири години во работен логор во Дормаген.
По завршувањето на Втората светска војна, тој се вратил во Крагуевац, а на почетокот на 1950 година дознал дека има туберколоза. Тогаш ја напишал песната "Pluća su mi bolna".
Песната прв ја снимил Заим Имамовиќ. Се зборува дека толку сугестивно делувала на луѓето, особено на заболените од туберколоза, што многумина под нејзино влијание се самоубивале. Затоа Централниот комитет, по директива на Тито, одлучил да ја забрани песна. И така било додека, десетина година подоцна, на една прослава не ја нарачала Јованка Броз, сопругата на Тито, а песната ја отпеала легендарната Нада Мамула.
Иако се излечил од туберколоза, Недовиќ во 1959 година се соочил со проблеми со срцето. Починал од инфаркт 1966 година. Денес ретко кој може да се сети на неговото огромно богатство од дури 800 песни кои ги оставил зад себе. Меѓунив се наоѓаат песните "Tekla reka Lepenica", "Na Moravi vodenica stara", "Krca, krca, nova kola", "Smederevo, grade od starina"...
Ново на Сител
-
САД ќе продолжат да се ангажираат за прашања од заеднички интерес
-
Може ли за неколку месеци да се стане АИ експерт? | Growth Labs Academy | Sitel Podcast 050
-
Полицијата презема мерки за пронаоѓање шест лица - работници од Непал
-
Избувна пожар во светиниколско: Изгоре штала, две грла добиток, млин, сточна храна
-
Во Струмица oбид за киднапирање на тригодишно дете, полицијата испитува дали се работи за кривично дело
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција