Најстудено во Маврово и Берово
Минимални температури од минус три степени утрово се измерени во Берово и Маврово, а максимални пет во Гевгелија.
Според УХМР, -2 е во Лазарополе, Крушево и Ѓуриште, -1 во Битола, Пожаране и Претор, нула степени во Струмица, Крива Паланка и Тополчани, еден во Куманово и Прилеп, два во Тетово, Виница, Скопје, Штип, Охрид и Скопје Петровец, како и четири во Демир Капија и Дојран.
Висината на снежната покривка е три сантиметри во Крушево и еден во Маврово, додека наврнатиот воден талог изнесува 11 литри на метар квадратен во Струмица, шест во Пожаране, пет во берово, три во Крушево, два во Лазарополе и Охрид и еден во Тетово и Крива Паланка.
Времето утрово е умерено до значително облачно, понекаде со слаб до умерен северозападен ветер. Ветерот е најизразен во Скопско и Гевгелиско. Во Маврово и Лазарополе има врежи претежно од слаб снег, а над Полог има појава на магла.
Претпладне се очекува поголема облачност, особено во западните делови од земјата, а попладне облачноста ќе се намали. Ќе дува слаб до умерен северозападен ветер кој од средината на денот и вдолж Повардарието ќе засилува. Температурата ќе биде од три до девет степени.
Во Скопје слично време со температурата до седум степени.
За време на викендот и Новогодишната ноќ ќе биде стабилно и суво. Во новогодишната ноќ нема да е многу студено, а температурите ќе се претежно само некој степен под нулата.
Утре и во понеделник ветерот ќе биде слаб и постепено ќе се менува кон јужен. Од понеделник попладне облачноста ќе се зголемува, а во вторник ќе има повремени врнежи од дожд проследени со повремено засилен ветер. На повисоките планини врнежите ќе се од снег.
Ново на Сител
-
Укината блокада на трите гранични премини меѓу Косово и Србија
-
Ангелов: Попладневните дождови помогнаа во гаснењето на пожарот во прилепско Мариово
-
Бод за македонската репрезентација од гостувањето во Фарски острови
-
Тројца малолетници лишени од слобода поради физички напад во Градски парк
-
Две лица од Кочани лишени од слобода поради сомнение дека извршиле убиство на нивниот сосед во неговиот дом
-
Средношколец од Скопје се заканувал на вработени во училиштето, оштетил инвентар
-
Николовски: Го поставивме лозаровинарскиот сектор како еден од најприоритетните во делот на поддршката од Владата и државата
-
Мелони и Зеленски разговараа за постигнување праведен мир и обнова