Најстудено во Битола, Скопје Петровец и Берово
Најниска температура изутрина во 7 часот во Македонија е измерена во Битола минус шест, по што следат со минус пет Скопје Петровец и Берово, Демир Капија, Тетово, Куманово и Струмица со минус четири, Скопје Зајчев Рид и Гевгелија, со минус три, Претор, Крива Паланка, Дебар, Прилеп и Штип со минус два, Лазарополе минус еден, информира Управата за хидрометеоролошки работи (УХМР).
Во Маврово е измерена снежна покривка од три сантиметри.
Времето денеска ќе биде сончево со мала, а во западните делови со умерена облачност. Во претпладневните часови по одделни котлини ќе има појава на магла. Ќе дува слаб ветер од јужен правец. Температурата ќе достигне од 9 до 14 степени.
Во Скопската котлина сончево со слаба магла и заматеност на атмосферата, преку денот со мала до умерена облачност. Температура до 10 степени.
Утре времето ќе биде сончево со умерена облачност и релативно топло преку денот. Ќе дува умерен ветер од јужен правец. По одделни котлини наутро со појава на магла.
УХМР најавува дека под влијание на влажен бран во четврток времето ќе биде облачно со повремени врнежи од дожд, а само на високите планини со снег. Претпладне, врнежи ќе има главно на западот, а околу пладне и до крајот на денот тие ќе се прошират во поголем дел од земјава, но сепак најинтензивни ќе останат во западните делови. Во петок врнежите ќе бидат слаби и полокализирани, но ќе биде постудено па до крајот на денот слаб снег ќе има и на некои повисоки места во земјава. Во деновите од викендот се очекува стабилно, суво и постудено време.
Ново на Сител
-
Европол: Разбиена меѓународна албанска мрежа на организиран криминал, уапсени 10 лица
-
Мицкоски: Ќе има одговорност за секој што ќе се огреши пред законот без разлика од која политичка партија доаѓа
-
Мицкоски: Над 720 милиони денари за инвестции во спортска инфраструктура
-
Арон Тејлор-Џонсон сè посериозен кандидат за улогата на „007“
-
Новозеландска пратеничка исфрлена од Парламентот заради говор за Газа
-
Рбјаков: Русија се надева дека средбата меѓу Путин и Трамп ќе ја поттикне нормализацијата на односите со САД
-
Маск најави тужба против Епл
-
ДЗР: Вештачката интелигенција е глобален приоритет, но сè уште нема законска рамка, национална стратегија, ниту институционална координација за нејзина примена