Најстудено во Берово, најтопло во Дебар

Во Берово утрово е најстудено, нула степени, а најтопло во Дебар, 10 степени. 

Како што соопшти УХМР, до 8:30 часот два степена се измерени во Лазарополе, три во Попова Шапка и Маврови Анови, четири во Скопје-Петровец и Битола, пет во Крива Паланка и Струмица, шест во Охрид, Демир Капија, Тетово, Велес, Крушево, Претор и Куманово, седум во Скопје-Зајчев Рид, Прилеп, Гевгелија, Штип и Кавадарци и осум степени во Дојран и Виница.

Во текот на ноќта времето беше ведро. Дуваше слаб до умерен, а наместа долж Повардарието и во источните делови повремено засилен ветер од северен правец. Изутринава е насекаде сончево. Наместа дува слаб ветер од променлив правец.

Времето денеска ќе биде сончево и топло со мала локална облачност. Ќе дува слаб до умерен ветер претежно од јужен правец. Максималната температура ќе биде во интервал од 21 до 27 степени.

Во Скопје сончево и топло со слаб ветер од јужен правец. Максималната температура ќе достигне 26 степени.