Најстудено утрово во Лазарополе

Најниска температура од 2 степени Целзиусови утрово е измерена во Лазарополе. Следи Попова Шапка со 3 степени, 4 во Маврови Анови, 6 Тетово, Крушево, Претор, 7 Струмица, Берово, 8 Крива Паланка, Виница, 9 Охрид, 10 Битола, Демир Капија, 11 Штип, 12 Скопје-Зајчев Рид, Скопје-Петровец, Кавадарци, Куманово, 13 Гевгелија и 14 во Велес.

Како што соопшти УХМР, претпладне времето ќе биде променливо облачно, а во текот на денот сончево со мала до умерена облачност. Ќе дува слаб до умерен ветер од северен правец, поизразен долж Повардарието.

Максималната температура ќе биде во интервал од 15 до 22 степена.

Во Скопје, претпладне променливо облачно, во текот на денот сончево со умерена облачност. Ќе дува слаб до умерен ветер од северен правец. Максималната температура ќе достигне до 21 степен.

МИА