Најстарата вработена во „Мекдоналдс“ има 92 години

Најстарата вработена во „Мекдоналдс“ има 92 години и работи во ресторан во Сингапур.

Гох Гвек Енг има 92 години и работи покрај фритеза во еден од рестораните „Мекдоналдс“ во Сингапур.

Таа има 10 внуци и 20 правнуци.

- Сега кога поголемиот број од нив работат или имаат свои семејства, куќата е многу тивка, изјави Енг, објаснувајќи ја својата одлука да продолжи да работи.

Нејзината единствена забелешка е што е изложена на жешко масло од фритезата за пржење на помфритот.

- Планирам да работам се додека можам, посочи Енг.