Најмногу дожд во Пожар 54 литри, на планините снег
Најмногу дожд, 54 литри на метар квадратен, во изминатото деноноќие наврна во Пожар, по што следат Пожаране со 25 литри, Берово со 24, Тетово и Виница со по 20 литри, Лазарополе, Ѓуриште и Маврово 18, информира Упрвата за хидрометеоролошки работи (УХМР).
Во Крива Паланка наврнале 17 литри дожд, во Струмица 16, 14 во Дебар, по 13 литри во Гевгелија и Ѓуриште, 12 во Битола, Крушево, Дојран, 10 Штип, 9 во Охрид и Скопје...
На повисоките планини, пак, е формирана снежна покривка.
Како што информира УХМР, времето денеска ќе биде претежно облачно и посвежо со врнежи од дожд, особено претпладне и особено во западните делови, каде на планините врнежите ќе поминуваат во снег. Ќе дува умерен до засилен северен ветер, особено долж Повардарието. Температурата во интервал од 7 до 13 степени целзиусови. Во Скопје облачно со повремен дожд и со умерен до засилен северен ветер. Температура до осум степени целзиусови.
Утре ќе биде посвежо, во западните делови со услови за краткотраен дожд, а на планините со повремен снег. Од сабота следува период на стабилно време со утрински температури околу нулата, а дневните температури ќе бидат во постепен пораст.
Ново на Сител
-
СДСМ: Историска измама на власта, над 318.000 пензионери се оштетени
-
ВМРО-ДПМНЕ: СДСМ ги штити градоначалникот тепач на Крива Паланка
-
Комунални екипи на 5 скопски општини го расчистуваат просторот на скопското Кале
-
Граѓанските активисти скептици дека ќе се уриваат дивоградбите
-
Преглед на вестите од светот
-
Линеарно зголемување на пензиите – 250 евра за студентите
-
Мицкоски: СДСМ е изведувач на ДУИ
-
Сиљановска: Независните се дискриминирани