Најмалку 40 војници погинаа во самоубиствен напад во воена база во Аден

Во самоубиствен напад во воена база во јеменскиот град Аден денеска погинаа најмалку 40, а ранети се уште 70 војници, соопшти јеменската армија.

Напаѓачот се разнел во моментот дедока војниците чекале да ја земат својата плата, додава извор од јеменската Влада, пренесуваат британските медиуми.

Џихадистите од Исламска држава досега извеле повеќе напади врз војниците во Аден, град што е под контрола на меѓународно признатата влада во егзил во  Саудиска Арабија.

Најмалку 10.000 лица се погинати во овој конфликт.