Најмалку 248 лица загинаа во земјотресот во Мексико, продолжуваат спасувачките акции
Спасувачки екипи и граѓани ја продолжуваат потрагата по преживеани од разорниот земјотрес што го погоди Мексико, во кој загинаа повеќе од 248 луѓе.
Локални медиуми јавуваат дека војници и пожарникари се вклучени посебно во спасување на деца од училиште во Мексико Сити, кое се урна од земјотресот.
– Војници и пожарникари пронајдоа тела на 22 деца и две возрасни лица под урнатините на училиштето „Енрике Ребсамен“. Тие се во потрага и по уште 30 деца и 12 возрасни кои се водат како исчезнати, изјави мексиканскиот претседател Енрике Пења Нието. Медиумите ги опишуваат случувањата околу училиштето како „хаотични“. Три лица беа спасени синоќа од тоа училиште.
Во земјотресот со интензитет од 7,1 степен според Рихтерова скала загинаа најмалку 248 луѓе од кои најголем дел во главнот град Мексико Сити – 117, потврди шефот на цивилната заштита Луис Фелипе Пуенте.
Во државата Морелос загинале најмалку 55 луѓе, додека 39 жртви има во државата Пуебла.
Во телевизиското обраќање, мексиканскиот претседател Нието побара од населението да остане мирно и да им дозволи на спасувачките екипи да работат без прекин.
– Населението треба да остане на безбедно и да овозможи непрекинато движење на возила за итна помош, нагласи тој.
Во главнот град урнати се најмалку 38 згради и голем број куќи. Сеизмолошката агенција на Мексико регистрирала неколку последователни потреси од кој најсилниот бил со интензитет од 4,9 според Рихтер. Мексиканскиот претседател нареди евакуација на сите болници што се оштетени. Од потресот прекинато е снабдувањето со гас во голем дел од државата и најмалку 4,8 милиони луѓе се без електрична енергија. Во голем дел згради се регистрирани пожари.
Тоа е втор силен потрес во Мексико во изминатите две недели. Милиони луѓе во паника ги напуштија домовите
Ново на Сител
-
Убиство пред казино во Кавадарци
-
Деканот на Градежен нов независен кандидат за градоначалник на Скопје
-
Родителите на децата Македонци при упис во училиште, не ја почитуваат реонизацијата
-
Филипче ги отфрла обвинувањата за таен план со ДУИ за хаос на изборите
-
Волонтерите од струмичкиот Црвен крст собираат училишен прибор за децата од социјално ранливите семејства
-
Пчеларите бараат повисоки субвенции
-
Прилеп утре повторно ќе добие јавен градски превоз по пауза од 3 дена поради штрајк на вработените во ЈП за ПУП
-
Цените на становите растат побрзо од платите, новите мерки на НБРМ ќе им помогнат на младите