Најмалку 12 жртви кога минибус со мигранти се превртел и се запалил во Турција

Најмалку 12 лица загинаа, а 20 се повредени кога синоќа се превртел и се запалил минибус со мигранти во источна Турција, јави агенцијата Анадолија.

Возилото паднало во ров во близина на градот Џумакли во провинцијата Ван, на границата со Иран.

Мигрантите, најчесто од Иран, Авганистан и Пакистан, редовно преминуваат од Иран во Турција пеш, а потоа ги превезуваат до градовите, главно до Истанбул и Анкара.

Повлекувањето на американски и на НАТО војници од Авганистан кое е во тек дополнително ги охрабри младите да ја напуштат земјата.