Свет
21. March 2016 - 11:13

Надежда Савченко прогласена за виновна за убиство на двајца руски новинари

Суд во Русија ја прогласи денеска за виновна украинската воена пилотка Надежда Савченко поради вмешаност во убиството на двајца руски новинари во источниот дел на Украина.

Обвинителството побара казна од 23 години затвор, а пресудата се очекува утре.

Триесет и четиригодишната Савченко се борешр на страната на украинските доброволци против проруските сили во источниот дел на Украина, каде е заробена во јуни 2014 година.

Руските власти сметаат дека Савченко давала координати за нападот во кој загинаа двајца новинари и неколкумина цивили.

Украинската Влада упати критики поради нејзиното апсење, а САД и ЕУ побараа од Москва веднаш да ја ослободи Савченко.