Над една четвртина од младите во Турција, Италија и во Грција се без работа

Во Турција, Италија и во Грција има најмногу млади луѓе кои ниту работат ниту учат. Тоа се вели во анализа на Организацијата за економска соработка и развој.

Речиси 29 отсто од младите на возраст ммеѓу 15 и 29 години во Турција ниту работат ниту се дел од образовни институции, според податоци на ОЕЦД.

Во Италија и Грција таа цифра е 27,4 односно 26,1 отсто.

Најнизок е делот на младо население без работа и образование во Исланд, Холандија и во Швајцарија. Само 6,3 отсто млади меѓу 15 и 29 години се во таа категорија во Исланд. Во Холандија и во Швајкцарија се по 8,3 отсто, јави ДПА.