Над 20 земји од светот и испратија хуманитарна помош на Кина
Повеќе од 20 држави во светот испратија хуманитарна помош за Кина во нејзината борба со раширената епидемија на пневмонии, предизвикана од коронавирусот 2019-nCoV, соопшти кинеското Министерство за надворешни работи.
“Веќе 21 држава и доставија помош на Кина, испраќајќи средства за спречување и контрола на ширењето на болеста. Тоа се Република Кореја, Јапонија, Тајланд, Малезија, Индонезија, Казахстан, Пакистан, Германија, Велика Британија, Франција, Италија, Унгарија, Белорусија, Турција, Иран, Обединетите Арапски Емирати, Алжир, Египет, Австралија, Нов Зеланд, Тринидад и Тобаго, како и УНИЦЕФ”, соопшти министерството.
„Подароците се вредни, а чувствата – бесценети. Ја искажуваме нашата искрена благодарност кон нив. Кина ќе продолжи да ги споделува информациите и ќе ја засили соработката со сите земји низ светот не само за безбедноста на Кинезите, туку и за глобалната и регионалната здравствена безбедност”, се додава во соопштението на кинеското Министерството за надворешни работи.
Ново на Сител
-
Последен работен ден за пратениците од овој состав
-
Информативен ден на НАТО програмата „наука за мир и безбедност“
-
Мисија на УНЕСКО во Охрид
-
Преглед на вестите од светот
-
Тема на денот со Филип Рикер, поранешен амбасадор на САД во Македонија
-
„Алкалоид“ пушти во употреба нов светски погон за производство на лекови вреден 19.4 милиони евра
-
Четири години Македонија членка на НАТО
-
Гир: Не е точно дека ЕУ не ја сака Македонија, членството е лесно достижно