На земјен пат кон село Бусилци во Општина Чашка пронајден мртов 58 годишен велешанец

Во Полициското одделение Чашка вчера попладне било пријавено дека на земјен пат кон село Бусилци, во Општина Чашка, било пронајдено тело на починато машко лице. По преземени мерки било утврдено дека се работи за 58 годишниот Ѓ.Ѓ. од Велес.

Како што информира попладнево портпаролот на СВР Велес Биљана Ѓаковска, лекар од Итна медицинска помош констатирал смрт, а увид извршил јавен обвинител во содејство со увидна екипа од СВР Велес.

По наредба на јавен обвинител, телото на починатиот било дадено на обдукција.

МИА