На стартот од „Кроација Куп“ против домаќинот Хрватска

Македонската машка ракометна репрезентација попладнево го игра првиот натпревар на „Кроација куп“ во Умаг, а ривал ни е домаќинот Хрватска. Нашите репрезентативци од вчера се наоѓаат во Хрватска.

Селекторот Ивица Обрван по неколкуте повредени играчи повика неколку помлади, кои на дуелите со Хрватска и утре со Црна Гора ќе имаат можност да се наметнат и евентуално да се изборат за место во составот на Македонија за Европското првенство во Полска во јануари 2016 година.

Проблеми со „ростерот“ за оваа недела има и селекторот на Хрватска, Жељко Бабиќ, па така нашиот денешен ривал ќе биде без помошта на искусните Мирко Алиловиќ и Марко Копљар.

Домаќинот го промени и почетокот на натпреварот, иако беше најавено дека ќе биде во 19:05 часот, стартот е презакажан за 18:30 часот. 

Македонија утре ќе игра против Црна Гора, а во недела турнирот ќе заврши со дуелот меѓу Хрватска и Црна Гора.