Џет-Сет
16. May 2017 - 20:20

На сцена се 30 години, а нивната турнеја е најпродавана оваа година во Америка

Турнејата на групата U2 „Џошуа Три (Joshua Treе) иако само што почна, е најпродавана ова лето во САД, објави фирмата за продажба на билети StubHub.

Првиот концепт на групата U2  во САД на славеничката турнеја по повод 30-годишнината од легендарниот албум „Joshua Tree“ одржан е синоќа во Сиетл.

Турнејата почна на 12 мај од канадски Ванковер. До заминувањето во Европа во јули, ирската четворка има уште 19 закажани концерти во САД.

Голем број влезници однапред се распродадени, па U2 според приходот, веќе ги надмина другите ѕвезди кои ова лето свираат во Америка, какo Ед Ширан и Лејди Гага.

Ирците на турнејата ги свираат сите 11 песни од албумот Џошуа Три и други најголеми хитови од нивната богата кариера. Во Сиетл на сцената како гостин им се придружи Еди Ведер од Прл Џем.