На Санторини прогласена вонредна состојба

На грчкиот остров Санторини е прогласена вонредна состојба по силниот земјотрес што го погоди, принудувајќи илјадници луѓе да се евакуираат.

Со јачина од 5,2 степени според Рихтеровата скала, тоа е најсилниот земјотрес што го погодил островот во последните недели, а се случил на длабочина од 5 километри, по низа сеизмички активности.

Илјадници луѓе го напуштија Санторини и соседните острови во Егејското Море поради страв дека допрва следува уште еден, многу посилен земјотрес, кој може да доведе до цунами или дури и вулканска ерупција.

Грчките власти претходно денеска најавија драстични мерки кои ќе важат до 1 март. Десетици туристи и жители го напуштија островот со траект, додека неколку други побрзаа да се качат во авион пред да го погоди островот уште еден земјотрес.

Брод на крајбрежната стража и воен десантен брод се распоредени во случај да биде потребна евакуација, потврди министерот за цивилна заштита Василис Кикилијас на вонредниот состанок со безбедносните службеници, научниците и премиерот во Атина.