На полноќ небото се отвора трипати: Денеска се отфрлаат клетвите

Македонската православна црква денеска го празнува Третото наоѓање на главата на свети Јован Крстител. За овој ден, 7 јуни, се верува дека Сонцето се движи назад од север кон југ, трипати заигрува и застанува, пишува порталот „Кукурику“.

Овој ден, исто така, е познат и како Трето наоѓање на главата на свети Јован Крстител. Во време на луто иконоборство во 8 век, главата на свети Јован Крстител беше пренесена во местото Комане, место на прогонството на свети Јован Златоуст. А кога престана иконоборството, во времето на царот Михаил и патријархот Игнатиј, во 850 година, чесната глава на свети Јован беше пренесена во Цариград и положена во придворната царска црква.

Се верува дека небото на полноќ се отвора трипати, па мртвите души лесно влегуваат во рајот, а тој што ќе ја дочека буден ќе посака три желби, тие ќе му бидат исполнети. Во оваа ноќ може да се открие и закопаното богатство. Во народната песна, во која се зборува за нешто што не може да биде, и во која се фрла проклетство на девојка да не се омажи, девојката на која е фрлена клетвата на овој ден треба да се помоли во црква или во манастир на свети Јован, да запали свеќа и да остави скромен прилог на храмот. Клетвата ќе биде отстранета.