На момчињата и на девојчињата до 9 години им треба иста количина храна
Аваз – Сараево
Иако многу студии укажуваат на зголемување на бројот на дебели деца, исто така не треба да се заборави дека голем број деца страдаат од ментално условени нарушувања на консумирање храна, анорексија и булимија. Правилната исхрана, заедно со соодветно ниво на физичка активност, е безбедна превенција на овие болести.
Енергетските потреби на децата од двата пола се исти до деветгодишна возраст.
Енергетските потреби на двегодишни девојчиња и момчиња се 1.300 килокалории, а потребите на протеини се 16 грама, за осумгодишни деца од двата пола – 2.000 килокалории, и за правилен раст и развој, потребни се 28 грама протеини дневно.
Од раѓањето до втората година, дневните потреби во масти се од 40 до 50 проценти од дневните потреби за енергија. Овој висок процент на масти е условен од интензивниот развој на нервниот систем.
По втората година треба да се намали процентот на масти во дневните оброци на 30 проценти, во однос на енергетските потреби за одредена возраст.
Потребата за јаглени хидрати и прехранбени влакна е иста како кај возрасните – од 55 до 60 проценти од дневните потреби за енергија.
Простите шеќери (слатки, освежувачки безалкохолни пијалаци) мора да се ограничат, не само поради можен развој на дебелина, туку и поради појавата на кариес на забите. Малите деца внесуваат 500 милиграми калциум дневно, а по овој период (по третата година) неопходно е да се внесуваат 800 милиграми.
Во детска возраст, соодветното внесување калциум е еден од најбезбедните начини да се избегне развој на остеопороза во подоцнежните години. Млекото и млечните производи се сигурен извор на калциум.
Колку е помасен млечниот производ, има повеќе калциум. Ако децата имаат нетолеранција на млеко (не го поднесуваат), калциумот може да се компензира со храна во која е додаден, како што се различни видови снегулки и зеленчук.
Со соодветно внесување калциум, потребно е детето да биде на свеж воздух и умерено да се изложува на сонце (со што се стимулира производството на витаминот Д во телото).
Витамински додатоци
Доколку детската исхрана е разновидна, богата со продукти од различни групи, витамински и минерални додатоци не се потребни. Не треба да се заборави дека тие често се со примамлив облик и вкус, по пример на јунаците од цртаните филмови. Витаминските и минералните суплементи не се бонбони и не треба да им се даваат на децата додека тоа не го препорача лекар.
Важна пресметка
Дневните потреби во прехранбени влакна се пресметуваат на многу интересен начин: потребите во грамови се еднакви на бројот на години плус пет грама (петгодишно дете треба да внесува 10 грама прехранбени влакна: пет години = пет грама прехранбени влакна; на тоа се додаваат уште пет грама, што е вкупно 10).
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово