На Филипини убиен еден од водачите на „Абу Сајаф“
Лидерот на вооружена група „Абу Сајаф“, кој директно учествувал во грабнувања и егзекуција на канадски и германски државјани, вчера загина во борби со војници на филипинската армија, соопшти денеска армијата, цитирана од британските медиуми.
Филипинските војници убија најмалку шестмина членови на групата „Абу Сајаф“, поврзана со Исламска држава. До престрелката дошло на популарниот туристички остров Бохол. Во борбите загинале и четворица војници.
Еден од убиените борци е Муамар Аскали, попознат како Абу Рами, поранешен порпарол на „Абу Сајаф“, група која често пати извршувала киднапирања заради барање откуп.
Групата минатата година ги обезглави канадските државјани Џон Ридсел и Роберт Хол. Таква беше и судбината на Германецот Јирген Кантнер, кој беше убиен во февруари затоа што не беше платен бараниот откуп од 600 000 долари.
Според армијата, Абу Рами сакал да киднапира туристи во Бохол за време на Страсната недела, но неговите планови биле осуетени.
Амбасадите на САД, Канада, Австралија и Велика Британија упатија предупредувања до своите државјани да не патуваат во Себу и Бохол во текот на велигденските празници заради опасноста од киднапирања.
Началникот на Генералштабот на филипинската армија, Едуардо Ано, изјави дека ситуацијата во Бохол е нормализирана, иако војската се уште трага по неколкумина борци на „Абу Сајаф“, кои учествувале во престрелката.
Ново на Сител
-
Австриска министерка за надворешни работи: Путин губи време, Русија ќе биде преплавена со ковчези
-
Откако Израел прогласи „тактичка пауза“, пристигнаа 100 камиони со помош во Газа
-
Алиу: 205 милиони евра за болници кои инспирираат доверба, а не страв
-
Мицкоски: Пустец е доказ дека припадноста не се брише, дека коренот останува, дури и кога над него дуваат силни ветрови
-
До 18 часот вкупно 29 пожари на отворен простор, од нив 14 активни
-
Три жени осомничени за полови дејствија со деца и детска порнографија во гостиварско
-
Мајка и ќерка повредени кога нивното возило излетало и застанало на пругата кај Стар Мост во Велес
-
Ангелов: До 13:30 часот се евидентирани 16 пожари на отворен простор, од нив осум се активни