На аеродромот во Тирана од Израелец одземени 250 илјади евра
Граничната полиција на меѓународниот аеродром во Тирана на израелски државјанин му одзела 250 илјади евра.
Израелецот Ефим Ричман (49) пристигнал во Тирана со авионски лет од Москва, но не пријавил дека со себе носи толкава количина на пари.
Ричман изјавил дека парите во кеш ги носел за да почне бизнис во Албанија, односно дека контактирал со повеќе Албанци за да отвори стоматолошка клиника, а не ги пријавил бидејќи не ги познавал правилата за внесување девизи во Албанија.
Парите кои биле ставени во пет пакетчиња од по 50 илјади евра биле откриени на телото на Израелецот со помош на аеродромските скенери.
Дел од медумите наведуваат дека е можно парите да се внесени за зацврстување на руското влијание во земјата. Ова тврдење доаѓа по веста дека руска компанија за лобирање во полза на албанската опозициска Демократска партија, на ланските јунски парламентарни избори потрошила милон долари.
Премиерот Еди Рама вчера упати остри критики на адреса на опозициската Демократска партија и побара од јавното обвинитество да покрене обвинение.
Демократскиот лидер Љуљзим Баша веднаш ги демантираше ваквите информации, велејќи дека руската опасност доаѓа од Рама, кој тоа го прави со цел да го отргне вниманието на јавноста од катастрофалното владеење на Владата.
Албанските медуми пренесоа дека во истрагата денеска се вклучила ФБИ.
Ново на Сител
-
Министерот Муцунски ја продолжува посетата на Брисел со средби со претставници на ЕУ
-
Промоција на нов електронски дневник за работа на училиштата
-
ХРТ: Се е подготвено за воведување задолжителен воен рок
-
Американскиот суд го ослободи Асанж по спогодбата за признавање вина
-
Русија и Украина разменија по 90 затвореници
-
Претпладне сончево, попладне пороен дожд, грмежи и силен ветер
-
Изменет сообраќаен режим на булеварот „Србија“ поради снимање филм
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија