МЗШВ: Николовски потпиша 900 договори за давање во закуп на државно земјоделско земјиште во 20 општини
Министерот за земјоделство, шумарство и водостопанство, Љупчо Николовски денеска потпиша нови 900 договори за давање во закуп на земјоделско земјиште во државна сопственост за површини дo 3 хектари. Овие договори се за двата јавни повици објавени во август 2021 година за површини во Битола, Македонски Брод, Виница, Делчево, Кочани, Крива Паланка, Крушево, Кратово, Кавадарци, Росоман, Неготино, Пробиштип, Радовиш, Велес, Берово, Пехчево, Валандово, Гевгелија, Струмица, Прилеп и Штип.
Министерот Николовски посочи дека договорите на апликантите ќе им бидат доделени на терен и дека праксата започната во периодот 2017-2019 година на неселективна распределба на земјата кај вистинските земјоделци, ќе продолжи и во наредниот период.
Во периодот 2017-2019 година се стави акцент на зголемување на обработливите површини преку правична распределба на државната земја. Се склучија 700 договори за доделување државно земјоделско земјиште во закуп, се искористија 4.000 хектари државно земјоделско земјиште во закуп за до 3 и над 3 хектари, се склучија 35 договори за површина од 124 хектари за производство на добиточна храна. За прв пат се објави инвестициски оглас и се потпишаа 17 договори за изградба на винарници, кланици, млинови, оранжерии и откупни центри, со вкупна инвестиција од 11 милиони евра, а воедно се склучија договори за купување на земјоделско земјиште во државна сопственост под оранжерија и помошни објекти во функција. Преку измени на Законот за земјоделското земјиште се ослободија од плаќање на закупнина младите земјоделци до 40 години во првите три години од закупот.
Ново на Сител
-
Ковачевски-Дендијас: Фокусирани сме на зајакнување на стратешкото партнерство меѓу Северна Македонија и Грција
-
Стевановиќ: Следиме препораки и внимаваме на состојбата со мајмунските сипаници
-
Радукану и Сакари елиминирани од Ролан Гарос
-
Дендиас: Преговорите со Северна Македонија и Албанија треба да почнат веднаш
-
Кулеба го критикува НАТО дека „буквално ништо“ не прави за да ја запре руската инвазија
-
Без струја и вода утре неколку скопски општини
-
Утврдени измените за повисоки плати во правосудниот и обвинителскиот сектор
-
28-годишник нападнал па репетирал и вперил пиштол во началник на ЕБР во Чаир