МЗШВ: До 30 јуни ќе се продолжи рокот за аплицирање за земјоделски субвенции
Министерството за земјоделство, шумарство и водостопанство ги информира земјоделците дека до Владата е доставено барање за измена на Програмата и Уредбата за финансиска поддршка во земјоделството, со што ќе се продолжи рокот за аплицирање за субвенции до 30 јуни.
-Бидејќи сите институции дадоа позитивно мислење, очекуваме измената да биде усвоена на следната владина седница. Интересот кај земјоделците за аплицирање за субвенции е голем, особено кај сточарите кои побараа продолжување на рокот. Министерството секогаш излегува во пресрет на барањата на земјоделците. Измената на Програмата и Уредбата за финансиска поддршка во земјоделството е токму во нивен интерес, за да можат да ги поднесат своите апликации во рамки на новиот рок кој предлагаме да биде продолжен до 30 јуни, велат од МЗШВ.
На овој, според Министерството, ќе им се помогне на сите земјоделци кои не успеале да аплицираат согласно законскиот рок што истекува на 31 мај.
-Тие ќе добијат дополнително време од плус еден месец, период во кој ќе можат да ги подготват апликациите и навремено да аплицираат за да ја добијат финансиската поддршка која им ја дава државата. Очекуваме измената да биде усвоена, во интерес на земјоделците, наведува МЗШВ.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка