МЗОИ: Нордиецот Јада 44-то место во спринт

Нордиецот, Ставре Јада, кој е еден од двајцата македонски репрезентативци кои учествуваат на вторите младински Зимски олимписки игри, кои се одржуваат во Лилехамер, во вторникот, настапи во спринт трката.

 

Јада, во конкуренција на 48 натпреварувачи, спринт трката ја заврши на 44-то место. Трката во спринт беше втора на која Јада настапи на младинските ЗОИ, во саботата тој го освои 43-то место во крос кантри.

 

Следниот настап во Лилехамер, Јада ќе го има в четврток, кога ќе се натпреварува во дисциплината 10 километри.