Музички хепенинг на иницијативата „За заедничка Македонија“
Со музички хепенинг на Школка, во Градскиот парк во Скопје, граѓанската иницијатива „За заедничка Македонија“ и денеска испрати порака за унитарна Македонија.
Според Богдан Илиевски, „За заедничка Македонија“ е против двојазичност и бара отфрлање на, како што рече, тиранската платформа, без изговори или какви било обиди за нејзино спроведување „на мала врата“.
- Нејзината суштина е проблем, а не името како се вика. Без оглед дали вие ќе ја крстите тиранска или кичевска платформа, нејзината суштина е најспорна и најпроблематична. Бараме повлекување и отстапување од неа. Сите мимикрии и финти да се манипулира народот, нема да пројдат, истакна Илиевски.
Актерот и поддржувач на иницијативата Крсте Јовановски напомена дека луѓето се помасовно излегуваат поради, како што оцени, она што се случува. - И лошите временски услови не ги колебаат граѓаните да излезат и да го искажат своето незадоволство од состојбата. Притоа го искажуваат со песни, говори на бината, кои се проткаени со љубов, искреност, вистина, чистина и со желба Македонија да остане онаква како што е, изјави Јовановски.
На хепенингот настапија Даниел Кајмаковски и групата „Паркети“.
Граѓанската иницијатива „За заедничка Македонија“ за време викендите, во сабота и недела, одржува вакви настани наместо протестен марш како во текот на неделата. Поддршка има во повеќе од 20 градови низ државата и ова е 13-ти ден како ја испраќа пораката за унитарност на државата.
Ново на Сител
-
Германската амбасада со честитки до Силјановска Давјкова за преземањето на нејзината улога како прва жена претседател
-
„Политико“: Силјановска-Давкова предизвика расправии со Грција уште при полагањето заклетва
-
ДИК ќе одлучува по однос на пристигнатите приговори од парламентарните избори
-
За брзо возење казнети 553 возачи
-
Руската армија тврди дека неутрализирала 31 украински дрон
-
Одложено судењето за „Шпански скали“
-
За прв пат од 2004 година, ниту Ѓоковиќ ниту Надал нема да бидат во четвртфиналето во Рим
-
Главчев и Радев по инаугурацијата на Сиљановска-Давкова: Договорите мора строго да се спроведуваат