Музалас: Грција има план за вонредна состојба
Грција има подготвено план за реакција во вонредна состојба поради ескалацијата со мигрантската криза, изјави грчкиот министер за миграциска политика Јанис Музалас, предупредувајќи дека е можно во следните денови земјата да „преживее тешки моменти“.
Музалас изрази задоволство од политичката поддршка која Грција ја добила од Советот на министри за внатрешни работи на ЕУ и од повеќето земји членки во врска со нејзините искази против политиката на Австрија, а особено против нејзината иницијатива за свикување конференција за бегалскиот проблем во Виена.
Грчкиот министер истакна дека на седницата на Советот, однесувањето на Австрија било оценетко како „унилатерален чин, дека тој е непријателски и дека ги нарушува старите решенија донесени на Самитот на ЕУ“.
Музалас, додаде дека пристапот на Австрија „им штети на Грција и на ЕУ“, бидејќи во преден план ги става едностраните национални решенија заедно со Вишеградската четворка и државите кои не се членки на ЕУ“.
Грчкиот министер истакна дека Грција не сака хуманитарна помош од Европа и додаде дека Атина подготвила вонреден план, кој е претставен на Европската комисија и на холандското претседателство со Унијата за справување со миграциската криза.
Ново на Сител
-
За една недела отстрането 91 непрописно паркирано возило во Општина Центар
-
Секој деветти смртен случај кај новороденчињата во Македонија е поврзан со загаден воздух
-
Македонски државјанин уапсен во Швајцарија - Се обидел да изврши грабеж во пензионерски дом
-
Спречени обиди за криумчарење ловечка муниција, цигари, брендирана облека и девизи
-
Мотоциклист од Валандово изгубил контрола и удрил во паркирано возило
-
Нови цени на горивата од полноќ
-
„Епл“ ја загуби битката пред судот на ЕУ за 13 милијарди евра даноци во Ирска
-
ЈО: Нема наредба за приведување на ниту едно лице за изградба на црква во Гостивар