Бомба фрлена врз куќата на Здравко Чолиќ: Уништени фасада и автомобил

Фрлена е бомба на куќата на Здравко Чолиќ на Дедиње, објави Нова.рс.

Според првичните информации, во инцидентот нема повредени, но предизвикана е материјална штета на еден автомобил, ограда и фасада.

Се претпоставува дека станува збор за рачна бомба, а мотивот за нападот засега не е познат.

Српскиот медиум Блиц известува дека во моментот на експлозијата, Чолиќ бил во куќата заедно со неговата фамилија.

На местото на настанот излегол дежурен јавен обвинител од Вишото јавно обвинителство во Белград, кој заедно со полицијата ги утврдува сите околности на нападот.