Мурињо притиска за враќање во Интер
Жозе Мурињо има огромна желба повторно да застане на чело на Интер, тврди „Либеро“. Португалецот, кој неодамна беше отпуштен од Манчестер Јунајтед во моментов е без работа, но веќе разгледува различни опции за продолжување на кариерата. На прво место на неговата листа е враќање на „Џузепе Меаца“, каде работи од 2008 до 2010 година и го изведе тимот до три титули во последната сезона на чело.
Според информациите, агентот на Мурињо, Жорже Мендеш веќе имал неколку прелиминарни разговори со директорите на Интер – Џузепе Марота и Пиеро Аусилио, откако споделил за желбата на својот клиент повторно да ги преземе „нероазурите“. Во оваа фаза, сепак, не се реализирани вистински преговори по ова прашање.
Во моментов во Интер планираат да го остават на чело актуелниот тренер Лучано Спалети и покрај неубедливите резултати на тимот во последно време. Шефовите тврдат дека немаат намера да го сменат во оваа фаза и барем до летото тој ќе продолжи да го води тимот.
Сепак на „Џузепе Меаца“ веќе мислат по прашањето за евентуална тренерска промена по крајот на сезоната и Мурињо сигурно е едно од потенцијалните кандидати да застанат на чело на тимот.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден