Фудбал
12. јуни 2021 - 9:09

Мурињо: Голема почит за играчи како Горан Пандев

Поранешниот тренер на Горан Пандев и еден од најдобрите тренери во светот на фудбалот, Жозе Мурињо имаше само пофални зборови за македонскиот репрезентативец.

„Не очекувам да има големи изненадувања на ЕП. Според мене Германија, Италија, Франција, Англија, Белгија се на исто ниво. Голема почит за играчи како Горан Пандев. Заедно со него освоивме тројна круна пред десетина години. Сега тој е максимално подготвен на 38 години да игра на едно големо натпреварување“, вели Мурињо.

Македонската репрезентација се наоѓа во групата Ц заедно со Австрија, Украина и Холандија, а првиот меч го игра в недела против селекцијата на Австрија со почеток во 18 часот на националната арена во Букурешт.