-->
-->
Мурињо чека кикс на Јунајтед?!
-->
Жозе Мурињо, кој пред два дена доби отказ во Челзи, започнал да бара работа и тоа во Манчестер Јунајтед, пренесува ESPN. Челзи, во четвртокот, му врачи отказ на Португалецот поради серијата на лоши резултати, кои го сместија тимот на 16-то место во Премиерлигата.
ESPN, повикувајќи се на неименувани извори, открива дека претставниците на Мурињо веќе ги направиле првите чекори за реализација на трансферот.
Како што пренесуваат светските медиуми, актуелниот менаџер на Манчестер Јунајтед Луј ван Гал, нема да го одработи својот договор до крај, односно до 2017 година. Иако, Јунајтед се наоѓа во горниот дел на табелата, челниците, а пред се армијата навивачи, се незадоволни од игрите на `црвените ѓаволи`, а особено се незадоволни поради елиминацијата од Лигата на шампионите.
Шпекулациите говорат дека клучен меч за Ван Гал е саботниот против Норич. Можно е Холанѓанецот да ја доживее судбината на Мурињо, доколку Јунајтед не забележи победа.
Познато е дека Мурињо имаше желба да го наследи Алекс Фергусон во 2013 година, но многумина се сомневаат дека стилот на Португалецот ќе се вклопи во клупската филозофија.
ESPN, својата информација, ја поткрепи со фактот дека извршниот директор на Јунајтед Ед Вудворд е во добри односи со менаџерот на Мурињо, Жорге Мендеш и дополнува дека еден од најдобрите тренери во изминатите 15 години веќе добил неколку конкретни понуди за наредната сезона.
-->
-->
-->
Ново на Сител
-
Производителите на пченица бараат повисоки откупни цени – откупувачите не даваат
-
Тема на денот со Горан Благоев, верски аналитичар и историчар од Софија
-
Коце Трајановски нов директор на Државни патишта, СДСМ критикува
-
Чибишев и поднел пријава на Бесија Иљази зошто незаконски им исплатила 650.000 денари на договорците
-
Судскиот совет има напредок, но и уште многу работа - Реакции на меѓународната заедница
-
Радев: Мицкоски нема познавање од меѓународно и уставно право
-
Приватните превозници нема да возат, бараат исплата на долг од над 2 милиони евра
-
Ни волшебно стапче нема да помогне за учениците во седмо одделение да имаат нови учебници