Муцунски: Во дискотека првпат ме внесе канадскиот премиер Џастин Трудо

Градоначалникот на Аеродром Тимчо Муцунски средното образование го завршил во Канада. Оттаму носи убави спомени, но и трајни пријателства со луѓе кои живеат и работат денес во целиот свет. Утрово во емисијата „Магазин“ на ТВ Сител тој зборуваше за школувањето во Канада, семејството, обврските како татко и сопруг, за другарството.

- Во класот со мене учеше сестрата на Џастин Трудо, Елиша. Целата генерација во тоа училиште се дружевме, не бевме многу деца, а првпат кој не внесе во дискотека беше токму Трудо. Тој работеше како заменски професор по училишта и како менаџер на кафулиења и клубови во Отава. Ете, така, преку него првпат влеговме во дискотека, се сеќава Муцунски.