Мото ГП: Пол позиција за Лоренцо

Возачот на Јамаха Хорхе Лоренцо ја освои пол позицијата пред трката за Големата награда на Чешка. Шпанецот до пол позицијата на патеката во Брно стигна со рекорден круг од 1:54.989 минути.

 

Покрај Лоренцо трката од првиот стартен ред ќе ја започнат актуелниот светски првак Марк Маркез на Репсол Хонда и клупскиот колега на Лоренцо, Валентино Роси.

 

Во вториот стартен ред по квалификациите се најдоа Андреа Јаноне (Дукати), Бредли Смит (Јамаха Тех 3) и Андреа Довициозо (Дукати).

 

Трката за Големата награда на Чешка, 11-та во кралската класа во Мото ГП шампионатот, ќе се вози в недела од 14 часот.