Москва: Прекинот на огнот во Сирија прекршен 18 пати

Руските набљудувачи регистрираа 18, а турските 11 случаи на нарушувања на прекинот на огнот во североисточна Сирија во последните 24 часа, соопшти денеска руското Министерство за одбрана.

– Руската страна во руско-турската комисија за набљудување на прекинот на огнот има регистрирано 18 случаи на отворање оган, се наведува во соопштението.

Рускиот центар за помирување конфликтни страни, како што се додава, во последните 24 часа имаше две хуманитарни операции.