Монти Пајтон слави 50-ти роденден
Пред точно 50 години, на 5 октомври 1969 година, Би-Би-Си ја емитуваше првата епизода од шоуто „Летечкиот циркус на Монти Пајтон“ кој го смени текот на британската и светската комедија.
Шоуто не наликуваше на ништо што до тогаш беше видено и беше револуција во поп културата.
Познатата хумористична серија, базирана на апсурд, цинизам и исмејување на секаков вид авторитет, беше снимена во 45 епизоди што се емитуваа во неколку циклуси од октомври 1969 до декември 1974 година.
Комбинацијата на тешко објасниви и среќни околности доведе до тоа првиот канал на британската национална телевизија да им отстапи простор на млади луѓе кои штотуку ги завршиле студиите на Оксбриџ – Мајк Пејлин и Тери Џонс учеле на Оксфорд, додека Џон Клиз, Ерик Ајдл и Греам Чепмен завршиле на Кембриџ.
Рамноправен член на креативниот тим и единствен Американец во составот беше режисерот Тери Гилијам.
Името на серијата „Летечкиот циркус на Монти Пајтон“ настанало делумно и поради угледот кој чудното друштво го имало во Би-Би-Си.
Мајкл Милс, еден од шефовите во забавната програма, инсистирал зборот „циркус“ да биде вклучен во името на серијата, затоа што за групата момчиња во Би-Би-Си велеле дека „се шетаат низ зградата како циркус“.
Ново на Сител
-
ЦУК: Активни четири пожари, 15 изгаснати, еден ставен под контрола
-
Во Норвешка, речиси секој нов автомобил е електричен
-
Татко ми ме учеше на македонштина | Дамјан Стојановски | ПРОфесија | Sitel Podcast 104
-
Влада: Ќе се основа Мултифункционален научно-технолошки парк
-
Германската царина откри 1.500 тарантули криумчарени во колачи
-
Јавниот повик за прием на 400 пожарникари завршува во четврток, најдобрите ќе бидат дел од новата специјална единица на ДЗС
-
ЦУК: Активни шест пожари, изгаснати три
-
Алкалоид против Хановер во баражот за групната фаза во Лига Европа