Монографија за 70 години библиотека „Ванчо Прке“ во Виница

На пригодна свеченост во Виница беше промовирана монографијата посветена на 70 годишнината од постоењето на библиотеката „Ванчо Прке“, формирана пролетта 1946 година. Промотор беше Вилма Јованова, виш библиотекар во штипската библиотека „Гоце Делчев“.

 

- Се работи за исклучителен труд во кој се сместени историјата на виничката библиотека, од нејзиното формирање до денес, но содржи и заначајни архивски материјали кои зборуваат за писменоста во овие простори. Теракотните икони, описменувањето, бројните цркви и мананстири и препишувачките активности во нив, се значаен дел од историјата на виничкиот крај а со тоа и на историјата на библиотеката, истакна Јованова.

 

Според Јованова, монографијата ќе им послужи на идните генерации за научни истражувања во областа на библиотекарставото во виничкиот крај.