Молотови коктели врз центар за бегалци во Прага

Чешката полиција трага по неколку десетици маскирани напаѓачи, кои во саботата вечер, фрлајќи молотови коктели запалиле социјален центар, кој им помага на бегалците во Прага, јави дописникот на МИА. 

Како што потврди полициската портпаролка Ивета Мартинкова, едно лице било повредено, а 19 биле евауирани.

Пожарот бил изгаснат од пожарникарска служба за неколку минути.

Мартинкова, не можеше да потврди дали нападот има врска со протестите против миграцијата, кои истиот ден беа одржани на неколку места во Чешка и на кои имаше неколку инциденти со луѓе кои даваат поддршка на бегалците.