-->
-->
Могерини утре во посета на Македонија
-->
Високата претставничка за надворешна и безбедносна политика на Европската унија, Федерика Могерини, утре ќе ја посети Република Македонија во рамки на нејизната мини-турнеја низ балканските држави.
Во пресрет на посетата, високата претставничка на ЕУ изјави дека оваа нејзина мини-турнеја низ балканските држави е со цел да се осигура „неповратноста на процесот на интеграција на овие земји во Унијата“.
- За Европската унија, работата со земјите од Западен Балкан, регион кој е во срцето на Европа, е клучен приоритет. Работам за да видам дека секој еден од нашите партнери на Западниот Балкан се движи напред на патот на реформите, да се движи кон Европската унија и да се обезбеди дека процесот е неповратен. Регионалната соработка и добрососедските односи остануваат од суштинско значење во овој контекст, порача Могерини.
Италијанката на чело на европската безбедносна и надворешна политика до 4 март ќе ги посети Албанија, Босна и Херцеговина, Косово, Црна Гора, Србија и Република Македонија. За време на посетата на регионот, Могерини ќе се сретне со политичките власти, вклучувајќи ги и претставниците на владите, со претставници на политичките партии и на парламентите. Таа ќе ги информира министрите за надворешни работи на ЕУ за оваа посета на Советот за надворешни работи идниот месец.
-->
-->
-->
Ново на Сител
-
Тема на денот со Алберт Муслиу, политички аналитичар
-
Препорака до осигурителните компании - утре да ги вратат старите цени на полисите
-
За прв пат формирано национално студентско тело: Што во пракса ќе им овозможи на македонските студенти?
-
Партиите испорачуваат барања на ВМРО-ДПМНЕ за владина коалиција
-
Парламентарни избори
-
Претседателски избори
-
ВО ЖИВО: Цени за осигурување на возила
-
Вработените во Фондот за здравство утре на протест