Могерини: Целосна имплементација на договорот за правосудство на 17 октомври
Високата претставничка за надворешна политика и безбедност на Европска унија Федерика Могерини наведе, дека на денешниот состанок во Брисел српскиот претседател Александар Вучиќ и косовскиот претседател Хашим Тачи се согласиле договорот за правосудство, што беше постигнат во рамките на бриселскиот дијалог, целосно да биде применет на 17 октомври.
- На тој ден, судиите, обвинителите и судскиот персонал ќе бидат интегрирани во косовскиот правосуден систем. Со тоа ќе се овозможи примена на правата во Косово и посебно во регионот (Косовска) Митровица, објасни Могерини.
Вучиќ и Тачи ја истакнаа посветеноста на почетокот на работата на новата фаза на дијалогот меѓу Белград и Приштина за нормализација на односите и помирување, за што се договорија на состанокот што беше одржан на три јули, а работата во однос на тоа ќе се продолжи во текот на наредните недели, се посочува во соопштението што беше објавено на сајтот на Службата на високата претставничка на ЕУ за надворешна политика и безбедност.
- Двете страни денеска ги договорија крајните чекори за имплементација на договорот за правосудство на Белград и Приштина, се наведува во соопштението.
Високата претставничка за надворешна политика и безбедност нагласи дека таа и Европската унија се целосно посветени на европската перспектива на Србија и Косово, како и на целиот регион.
Могерини денеска беше домаќин на неформалниот состанок во Брисел, каде присуствуваа претседателите на Србија и на Косово, Вучиќ и Тачи.
На средбата, беше дискутирано за идните односи меѓу Србија и Косово.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот