МНР: Законот за надворешни работи ќе се менува по редовна постапка во Собранието
Законот за надворешни работи ќе се менува по редовна постапка во Собранието. Најпрво ќе се менува во делот заради преземањето на надлежноста за надворешна трговија, но ќе претрпи измени и делот на надворешните работи, со цел Министерството да биде пофункционално, велат извори во МНР, додавајќи дека измените ќе бидат презентирани пред да бидат објавени, со цел законот да биде транспарентно донесен.
Во однос на редот и дисциплината во Министерството, извори во МНР, велат дека имало поединци со високи дипломатски, дури и со амбасадорски звања, на кои не им бил даван никаков ангажман, на дел од нив им се дозволувало да не одат на работа, додавајќи дека тоа повеќе нема да се толерира.
Во однос на амбасадорските места, извори во МНР посочуваат дека е отпочната процедура за тоа кој ќе го пополни амбасадорското место во ОН во Њујорк, откако досегашниот амбасадор Љубомир Фрчкоски поднесе оставка.
Изворите додаваат дека има рок којшто му следува што го добива за пред враќањето во државава и тој рок веќе тече, со што тој за неколку недели ќе биде вратен во државава, со што ќе заврши неговиот мандат како амбасадор, но, велат оттаму, со тоа нема да завршат процесите за сериозните недостатоци по неговата работа и тие процеси ќе продолжат во рамки на Министерството.
За амбасадорите Весел Мемеди во Италија и Андреј Жерновски во Романија, додаваат изворите, се уште траат внатрешните процедури во рамки на МНР.
Во врска со наводите за недоследности во уште во две амбасади, извори во МНР засега не откриваат за кои амбасади станува збор, како што велат, од почит кон државата во која се акредитирани и се уште се вршат внатрешни контроли и процедури.
Ново на Сител
-
Приведени двајца крадци во Гостивар
-
Светските лидери пристигнуваат на идниот самит во рамките на Генералното собрание на ОН
-
Николовски: Цариниците ќе добијат 60 боди камери од САД
-
Пронајдена дрога при претрес во дом на 40 годишен жител на Штип
-
Почнува есента
-
Неверојатни сцени на Вембли - Дубоа го нокаутираше Џошуа | ВИДЕО
-
Трамп смета дека е предоцна за уште едно телевизиско соочување со Харис
-
Следната недела во Њујорк самит за успорување на климатските промени