Младите Европејци најзаслужни за зголемената излезност на ЕУ изборите
Стапката на излезност на младите Европејци на последните ЕУ избори во мај е значајно зголемена во однос на претходните изборни циклуси, покажува последното истражување на Евробарометарот.
Најзначајно е зголемена излезноста кај младите под 25 годишна возраст и младите помеѓу 25 и 39 годишна возраст, покажува првиот пост-изборен Евробарометар.
Последните избори за Европскиот Парламент бележат излезност од 50,6 отсто излезност, што е највисока стапка од 1994-та година.
Во 19 земји членки на ЕУ излезноста е значајно зголемена во споредба со изборите пред пет години, посебно кај поновите земји на ЕУ како Полска, Романија, Унгарија, но и во Шпанија, Австрија и Германија.
Излезноста се намалила во осум земји членки, но само за три процентни поени.
-Значајниот раст на излезноста на мајските европски избори покажува дека луѓето и посебно младата генерација ги ценат своите демократски права и веруваат дека ЕУ е посилна кога делува заедно за да се справи со нивните грижи, изјави претседателот на Европскиот Парламент, Давид Сасоли.
Главните преокупации на европските граѓани за овие избори биле на прво место економијата со 44 отсто и климатските промени со 37 отсто.
Напуштањето на Обединетото Кралство на ЕУ исто така одиграло важна улога го зголеменото учество на граѓаните во ЕУ изборите, посочуваат анкетираните.
Вкупно 68 отсто од анкетираните одговориле дека нивната земја имала бенефит од членството во ЕУ, што претставува највисок резултат од 1983-та година.
Ново на Сител
-
Калињак: Закрепнувањето на премиерот Фицо, по обидот за убиство, ќе трае исклучително долго
-
Нова вулканска ерупција на Исланд, петта од декември
-
Сиљановска Давкова се сретна со началникот на ГШ на Армијата, генерал-потполковник Васко Ѓурчиновски
-
Сиљановска Давкова се сретна со началникот на ГШ на Армијата, генерал-потполковник Васко Ѓурчиновски
-
МОН: Учениците ќе ги имаат сите учебници пред почетокот на новата учебна година
-
Малолетници од Неготино извршиле обљуба, 19-годишник уценувал малолетничка со видео материјалот
-
Видевски го смени исказот, Обвинителството тврди дека има докази
-
Матични се жалат на казни за пречекорувања на издадени лекови