МКФ: Докузовски е единствената опција за селектор

Денеска во 12.30ч тричлената комисија за избор на селектор на македонската кошаркарска репрезентација по вторпат ќе разговара зо Марин Докузовски , актуелниот тренер на КК Работнички за устоличување на селекторската функција. Според комисијата поранешниот селектор на нашиот национален тим е единствен кандидат:

„Во врска со селекторската позиција на сениорската репрезентација, приоритет на МКФ е, т.е. останува Марин Докузовски. Тој е единствената опција, затоа што Докузовски е консензуален кандидат на УО на МКФ. Сè додека не добиеме дефинитивен одговор, нема да разговараме со ниту еден друг кандидат.

Убедени сме дека Докузовски е најдоброто решение, а нашата интенција е сите коишто можат и кои што сакаат да придонесат за доброто на кошарката, да се обединат. И веруваме дека со поддршка на пошироката спортска јавност, да дојдеме до остварувањето на заедничка цел која е над какви било лични или клупски интереси“