Министерот за странски инвестиции Елвин Хасан ја посети фабриката „Joyson Safety System”
Министерот без ресор задолжен за странски инвестиции Елвин Хасан ја посети фабриката „Joyson Safety System” (претходно Key Safety System” (KSS) – странска компанија што од 2014 година почна со работа во ТИРЗ во Кичево.
„Joyson Safety System” е светски лидер во дизајнот, развојот и производството на воздушни перничиња, волан и сигурносни појаси.
Министерот Хасан оствари средба со финансискиот директор Владимир Стефаноски, кој одблиску го запозна со тековното работење на фабриката, производниот капацитет, работните услови и идните цели и планови на компанијата.
Како што соопшти кабинетот на министерот, тој во своите работни посети и активности ги вклучи и општина Долнени и општина Македонски Брод каде што оствари средба со градоначалниците Џемил Ќамили и Живко Силјаноски.
-На состаноците се разговараше за тековните активности, актуелната ситуација и развојот и унапредувањето во сите сфери, особено во сферата на инвестиции во која ќе бидат во тесна соработка. Министерот Хасан на средбите ги презентираше новите измени на Законот за финансиска поддршка на инвестиции кои Владата ги донесе со цел подобрување на условите за инвестирање, подобрување на економската клима и привлекување нови странски инвестиции, се наведува во соопштението.
Ново на Сител
-
Кривична пријава за 16-годишник од Крива Паланка, украл автомобил од сограѓанин
-
Тешко повредени мајка и ќерка од Гостивар откако врз нив паднала порта
-
Ужас во Скопје: Го киднапирале и го натерале да се самозапали
-
Оливер Миланов ја презеде функцијата директор на Агенција за храна и ветеринарство
-
Злате Мехмедовиќ ќе биде новиот директор на Клиниката за физикална медицина и рехабилитација
-
Франција распореди 30.000 полицајци поради страв од немири на денот на изборите
-
Кој е Кир Стармер, идниот британски премиер?
-
Србија е единствениот кандидат за ЕУ што не ги почитува новите одлуки поврзани со Украина и Северна Кореја