Министерот Османи и амбасадорот Ќехаја во знак на добрососедство ќе засадат 13 дрвја во паркот Чаир

Министерот за надворешни работи Бујар Османи заедно со амбасадорот на Република Косово, Флоријан Ќехаја денеска во паркот во Чаир ќе засадат 13 дрвја, по повод 13-годишнината од воспоставувањето дипломатски односи меѓу Република Северна Македонија и Република Косово.

Засадувањето на дрвјата, како што велат од Министерството за надворешни работи, е симболично одбележување на одличните добрососедски односи, традиционалното пријателство и тесната врска меѓу граѓаните на двете држави.

Настанот, информираат од МНР, се организира на иницијатива на Амбасадата на Република Косово.