Министерот Кучи се сретна со амбасадорката Лоранс Оер
Министерот за економија Дритон Кучи, денеска во проштална средба ја прими Лоранс Оер, амбасадор на Француската Република во Република Македонија.
На средбата, соопшти денеска Министерството за економија, Кучи и Оер ја оцениле економската соработка меѓу Македонија и Франција многу успешна, со голем потенцијал за нивно продлабочување во сферата на нови инвестиции од француски компании, нивен ангажман во изградба на енергетски капацитети,како и зголемување на бројот на туристи од Франција во нашата земја.
Министерот Дритон Кучи се заблагодарил за поддршката што Република Франција ја дава на Република Македонија, посебно на Министерството за економија, како и за личниот ангажман на амбасадорката Оер, за подготовките околу парискиот самит.
- Македонија е дел од Европа, но и во иднина ќе ни е потребна поддршката на Франција за зачленување во ЕУ и НАТО, изјавил министерот Кучи.
Амбасадорката Оер го информирала министерот Кучи за зголемениот интерес на големи државни фирми од Франција да се приклучат во изградба на капацитети во Македонија, како што се железничката пруга кон Бугарија, инвестирање во слободната економска зона во Тетово, како и во изградба на капацитети за производство на електрична енергија од обновливи извори на енергија.
Оер изразила уверување дека Франција ќе остане посветена на продлабочување на економската соработка.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка