Министерот Кучи на состанок на Советот на министри при Енергетската заедница

Министерот за економија Дритон Кучи ќе учествува на 14. Состанок на Советот на министри при Енергетската заедница што денеска ќе се одржи во Сараево, Босна и Херцеговина.

На состанокот, како што соопшти Министерството за економија,  ќе се разговара за проектите од заеднички интерес, имплементацијата на Договорот за основање на Енергетската заедница, имплементацијата на директивите за животна средина, како и за регионалните иницијативи и пристапувањето на Грузија кон Договорот за основање на Енергетската заедница.

Советот на министри е највисок орган на Енергетската заедница и го сочинуваат министрите надлежни за енергетика и двајца претставници на Европската унија.