Милошоски: Власта преговара надвор од Резолуцијата во Собрание и затоа го кријат документот што го испратиле во Бугарија
Османи денеска не го направи клучното барање, а тоа е да ги сподели со нас документите кои во декември минатата година кои МНР ги има испратено како официјални одговори во Софија во однос на пакетот 5+1. Бидејќи пратениците се тие кои бираат министри, министрите треба да доаѓаат во Собрание да покажат демократска култура и да ги споделат документите со нас како народни избраници, изјави за „Тема на денот“ во дневникот на Сител, пратеникот од ВМРО-ДПМНЕ, Антонијо Милошоски.
Милошоски вели дека ако се работи за нацрт документ, тогаш пратениците може да дадат сугестии како да се доработи и подобри и да биде во согласност со изгласаната Резолуција, но штом го кријат постои сомнеж дека е надвор од Резолуцијата.
- Со тоа што Османи потврди дека има таков документ испратен во Софија, а не сака да го сподели, значи дека некој има потреба да крие, а денеска го зголеми сомнежот дека во задкулисните разговори содржат нешто кое излегува надвор од Резолуцијата. Изразуваме загриженост да не бидеме доведени пред свршен чин да имаме документ кој е земи или остави, во кој не може да се интервенира, рече Милошоски.
Тој потсети и на изјавата на Пендаровски кој суптилно во едно интервју на национална телевизија напомена, дека можеби дека некој договор ќе помине со просто мнозинство , знаејќи дека власта нема двотретинско.
Во врска со прашањето за Бугарите во македонскиот Устав, тој рече дека она што го прават Бујар Османи и Ковачевски е надвор од Резолуцијата.
- Резолуцијата која ја донесовме во Собрание, треба да се разговара рамноправно на основа и да има реципроцитет. Не може Македонија 30 години секогаш нешто да отстапува да прави концесии, да попушта и на крај ништо да нема за возврат, изјави Милошоски.
Милошоски вели дека не треба така лекомислено да се даваат било какви ветувања и да се преземаат обврски за дополнително менување на Уставот.
- Што би добиле ние со тоа, дали ќе станеме членка на ЕУ, дали ќе ги признаат Македонците во соседните држави? ВМРО-ДПМНЕ смета дека такви обврски не треба да се преземаат, Уставот беше отворан без да донесе подобрување во реалниот живот и затоа не треба повторно да се отвора и да се додаваат било какви други заедници, народи или што и да е, рече Милошоски.
Ново на Сител
-
Приведен возач од струшко, управувал возило со 176 км на час каде дозволената брзина е 80 км на час
-
Кривична пријава за криумчарење пиротехника - запленети и цигари и фалсификувана стока | ФОТО
-
Приведено лице затекнато како потпалува ѓубриште и сува трева во близина на штала со добиток
-
Кривични пријави против две лица за неовластено поседување огнено оружје и муниција | ФОТО
-
Висината на цунамито во Северо-Курилск достигна пет метри
-
Владата чека оставка од обвинителот Коцевски
-
Чешкиот „Блек хок“ се очекува да полета кон планината Готен, пристигнаа и словенечките пожарникари
-
Македонци во Тајван, сведочат за предупредувањето и опасноста од цунами по земјотресот на Камчатка