Миле Ѓорѓијоски и Витомир Долински ќе настапат на „Сатира фест“ во Белград

 Двајца македонски афористичари, Миле Ѓорѓијоски и  Витомир Долински ќе настапат на 15. меѓународен фестивал за хумор и сатира „Сатира фест“, кој ќе се одржи на 10 октомври во Белград.

 

Овогодинешниот собир на најдобрите афористичари и сатиричари од Балканот и пошироко се одржува на тема „Беше еднаш еден лав“ посветен на 95-годишнината од раѓањето на големиот српски книжевник за деца Душан Радовиќ.

 

Како што истакна делчевскиот сатиричар  Миле Ѓорѓијоски, „Сатира фест“ е најзначајниот фестивал за хумор и сатира на Балканот.

 

На него учествуваат најзначајните автори од оваа област во регионот и пошироко. Учеството на овојфестивал не е само признание за авторите кои учествуваат туку и за хуморот и сатирата од каде што доаѓаат. Македонија оваа година, како и минатата ќе ја претставуваат сатиричарите  Витомир Долински и Миле Ѓорѓијоски.

 

Овој фестивал го доделува и највисокото признание во областа на сатирата,а тоа е наградата „Златен круг“ за придонес во развојот на светската сатира, рече Ѓорѓијоски.

 

Добитници на оваа врвна награда во областа на сатирата се и македонските сатиричари Васил Толевски и Миле Ѓорѓијоски, а и двајцата се членови на Друштвото на писатели на Србија.

 

Инаку, во соработка со ЈЛБ „Илинден“ од Делчево,  македонските сатиричари за време на својот рпестој во Берлград ќе донираат книгина библиотеката при Националниот совет на Македонците во Србија.