Милан се подготвува за сезона без Златан
Напаѓачот на Милан, Златан Ибрахимовиќ, најверојатно ќе ја заврши кариерата по крајот на сезоната, предвидува „Газета дело Спорт“. 38-годишниот Швеѓанец сè уште не ја објавил својата одлука, но „росонерите“ веќе прават планови за следната кампања без него.
Ибрахимовиќ се врати на „Сан Сиро“ како слободен агент претходно оваа година и постигна три гола во Серија „А“ на 8 натпревари и екипата се стабилизира. Договорот на ветеранот е до летото, но Милан сака да го продолжи за уште 12 месеци. Ибра инсистира и на гаранции дека тимот ќе биде конкурентен со другите гиганти во Италија.
Разрешувањето на Звонимир Бобан и нејаснотиите околу Паоло Малдини, кој го донесе Златан во Милано, исто така укажуваат на тоа дека Швеѓанецот веројатно нема да остане.
„Росонерите“ ќе се насочат кон напаѓачот на Наполи, Аркадиуш Милик. Полјакот е подготвен да го напушти „Сан Паоло“, откако клубот веќе ги обезбеди услугите на Андреа Петања.
Ново на Сител
-
Тема на денот со Александар Даштевски, претседател на ДИК
-
Мостот „Беласица“ целосно функционален
-
Зошто Токсикологија не почитува мерки на надлежни институции
-
Ќе се врати ли старата цена на осигурување за регистрација на возилата?
-
Обвинителството со огромен број докази за распределбата на спортски ваучери
-
ДУИ притиска: Без нас нема Влада - Од ВМРО-ДПМНЕ децидни Ахмети останува во опозиција
-
Парламентарни избори 2024
-
Вапцање велигденски јајца в зори на Велики Четврток