Микл-Лајтнер: Домино ефектот кон Балканот се одвива според планот
Министерката за внатрешни работи на Австрија Јохана Микл-Лајтнер денеска изрази задоволство од „домино ефектот“ на Балканот, после одлуката на официјална Виена да го ограничи приемот на бегалци годинава на 37.500 баратели на азил.
- Домино ефектот долж балканската рута се одвива како што беше планирано. Важно е секоја земја да го заостри своето дејствување на границата и тоа да го правиме усогласено, порача Микл-Лајтнер по најавите на Словенија, Хрватска, а и Србија и Македонија за запирање на бранот бегалци, пренесува Танјуг.
Таа потенцираше дека пред се со Словенија, Австрија интензивно го усогласува своето дејствување.
- Одиме чекор по чекор, потенцира Микл-Лајтнер.
Досега, во тековната година, во Австрија околу 9.000 поднеле барање за добивање азил, што значи дека до крајот на годината, во просек, уште 90 до 100 луѓе дневно можат да поднесуваат барање за азил во оваа земја.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација